Abstract. Ushbu annotatsiya aksiologik yondashuvlar asosida o‘quvchilarning muloqot madaniyatini shakllantirish metodikasiga bag‘ishlangan. Zamonaviy ta’limning ustuvor vazifalaridan biri bo‘lgan kommunikativ faollikni rivojlantirish masalasi, ayniqsa, kichik yoshdagi o‘quvchilar uchun muhim ahamiyat kasb etadi. Kommunikativ kompetentlikka ega bo‘lgan shaxs ijtimoiy muhitga tez va muvaffaqiyatli integratsiyalashadi. Shu sababli, ta’lim sohasidagi har qanday tadqiqot psixologik-pedagogik aspektlarni qamrab olishi, ta’limga ta’sir etuvchi tashqi va ichki omillar, motivatsiya, ustanovki, qadriyat yo‘nalishlari, ijodiy tafakkur, intuitivlik, shaxsiy ishonch va sog‘lom psixo-fiziologik rivojlanish sharoitlarini o‘rganishi zarur.