Abstract. Autizm spektrining buzilishi (ASB) - bu nevrologik rivojlanish xususiyatiga ega bo'lgan, asosan, ijtimoiy muloqot va kommunikatsiya qobiliyatlarini cheklaydigan va takrorlanuvchi xatti-harakatlar bilan ajralib turadigan bir holatdir. Autizm sindromli bolalarga tashxis qo‘yish, ularning rivojlanish xususiyatlari va ijtimoiy, hissiy holatlarini o'rganish orqali amalga oshiriladi. Tashxis qo‘yish jarayoni juda muhim, chunki u bolalarga mos keluvchi terapevtik va reabilitatsion yondoshuvlarni tanlashda asos bo'lib xizmat qiladi.Autizm tashxisi qo‘yishda klinik alomatlar, nevrologik testlar, psixologik tekshiruvlar va ijtimoiy muloqot ko‘nikmalarini baholash kabi bir nechta metodlardan foydalaniladi. Tashxisning o‘ziga xos xususiyatlari shundaki, har bir autizmli bola individualdir va ularda alomatlar turlicha ifodalangan bo‘lishi mumkin. Shuning uchun, tashxisni qo'yish uchun ko‘p qirrali yondoshuv zarur, bunda mutaxassislar bolani individual ravishda baholashlari kerak. Autizm sindromini erta aniqlash va to‘g‘ri tashxis qo‘yish, bolaga muvofiq davolash va reabilitatsiya choralari ishlab chiqilishiga, shuningdek, o‘zgaruvchan va rivojlanayotgan rivojlanish jarayonida ularga qo‘llaniladigan yordamni samarali qilishga yordam beradi