Abstract. Mazkur maqolada tarix fanini o‘qitish jarayonida zamonaviy texnologiyalardan foydalanishning dolzarbligi yoritiladi. Hozirgi kunda ta'lim tizimiga raqamli texnologiyalarni tatbiq etish nafaqat dars sifati va samaradorligini oshiradi, balki o‘quvchilarning tarixga bo‘lgan qiziqishi va motivatsiyasini kuchaytirishga xizmat qiladi. Multimedia vositalari, interaktiv taqdimotlar, onlayn ta’lim platformalari hamda tarixiy voqealarni aks ettiruvchi simulyatsiyalar o‘quvchilarga mavzularni chuqurroq tushunishga ko‘maklashadi. Maqolada aynan shu vositalarning tarix ta’limidagi roli va ularning samaradorligi tahlil qilinadi.